О.Гэрэлт-Од: Монголбанкны ерөнхийлөгч залуучуудаа үл тоож, хүнд суртал гаргаж байна

242
Монголын Залуучуудын Холбооны залуучууд Монголбанкны гадаа тайван жагсаал хийж байна. Учир нь Монголбанкны Ерөнхийлөгч Б.Лхагвасүрэнтэй уулзаж Зээлийн мэдээллийн нэгдсэн сангийн сөрөг мэдээлэл буюу хар жагсаалтын талаар хэлэлцэж шийдвэрт хүрэх, зөвшилцөх талаар удаа дараа албан бичиг хүргүүлсэн. Гэвч өнөөдрийг хүртэл ямар нэгэн хариу ирээгүй тул тайван жагсаал зохион байгуулж байгаа аж. Монголын залуучуудын холбооны Ерөнхийлөгч О.Гэрэлт-Од: “Монголбанкны Ерөнхийлөгч Б.Лхагвасүрэн болоод тус банкны удирдлагууд залуучуудаа үл тоож, хүнд суртал гаргаж байна, төрийн байгууллага иргэдэд үйлчлэх ёстой байгууллага иргэдээ сонсож хүсэлтийг нь шийдвэрлэх ёстой байгууллага. Залуучууд улсаас мөнгө гуйгаагүй, зээл тэглэж өгөөч гээгүй, гэмт хэрэг хийгээгүй. Зөвхөн боломж олгохыг хүссэн.

Залуучууд тэгш боломжийг хүсэж байна. Зээлийн төлөлтөө хугацаа хэтрүүлж төлсөн боловч үүнээс болж зээл олгосон банк, санхүүгийн байгууллага хохироогүй, тэд үндсэн төлбөрөө хүүтэй нь авдаг. Монголбанкны зээлийн мэдээллийн сангийн сөрөг мэдээлэл зургаан жил хадгалагддаг нь зээл аваад төлбөрөө төлсөн, төлж байгаа залуусыг хохироож ирээдүйн боломжуудыг нь хаасаар байна. Ер нь улс орнууд иргэдийнхээ сайн түүхийг л архивладаг болохоос мууг хадгалж, 6 жилийн турш боломжийг нь хаадаггүй. Энэ аль улсын кейс вэ. Хэрвээ Монголбанк, Сангийн яам энэ асуудлаар ямар нэг хариу өгөхгүй бол ХЭҮК, ҮХЦ-д хандана. Залуучуудыгаа ялгаварлан гадуурхаж байгаа үйлдэл мөн. Монголбанк 2017, 2018 онд нийт 60 гаруй мянган иргэнийг мэдээллийг гаргаж байсан. Сүүлийн гурван жил энэ талаар ямар нэг санал санаачилга гаргаагүй” гэлээ.
й
скачать dle 12.0
Санал болгох
Сэтгэгдэл
АНХААРУУЛГА: Уншигчдын бичсэн сэтгэгдэлд skhd.nutag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
SKHD.nutag.mn