АНУ-ын Ерөнхийлөгч Жо Байден нойрон дунд амьсгал тасалдах апноэ, үе мөчний үрэвсэл, цусны даралт ихсэх зэрэг олон хууч өвчтэй болохыг саяхан хийлгэсэн эмнэлгийн шинжилгээ харуулжээ. Төрийн тэргүүний судасны хана хатуурсны зэрэгцээ ходоод-улаан хоолойн сөргөө өвчнөөр өвдсөн болохыг тогтоожээ. 

Харин Ерөнхийлөгчийн тэнцвэрийн функц хэвийн хэмжээндээ байгааг энэ үзлэг харуулжээ.  Хоёрдугаар сарын 28-нд The New York Times сонин Байден төрийн тэргүүнээр сонгогдсоноосоо хойш гурав дахь удаагаа эрүүл мэндийн үзлэгт хамрагдсан тухай мэдээлсэн. 81 настай улстөрчийг Уолтер Ридийн нэрэмжит үндэсний цэргийн эрүүл мэндийн төвийн ажилтнууд үзлэгт хамруулсан байна.